Veldig godt frammøte (34 stk), på ein strålande dag. Turan starter opp ein skogsveg frå Langeland. Skia måtte berast halvvegs opp vegen til Toskedalssætra, pga mangel på snø.

Etter sætra var terrenget forholdsvis slakt eit godt stykke inn dalen. Ei lita matpause måtte til før vi starta på dei brattasete bakkane. Her fekk den mannlige turlederen problemer med skifellene, men med litt sportsteip og skarejern fekk vi berga situasjonen.

Men litt forsinkelser bei det. Siste bakken mot toppen var avblåst, så det gjorde underlaget hardt og vanskeleg. Noken valgte å stoppe her, men dei aller fleste kom seg greit til topps.

Turen til toppen tok ca 4 timar. Litt ising i bindingane, og litt knall og fall på veg ned la ikkje noken demper på ein fin dag i fjellet.

Men turen bikka vel meir over på krevjande, enn middels krevjande.